Aðalsíða | Fundargerðir | Tenglar | Upplýsingar frá foreldraráði 
Ársskýrsla 2004-2005| Ársskýrsla 2005-2006|Ársskýrsla 2006-2007
 

Foreldaráð starfa samkvæmt 16. grein laga um grunnskóla 66/1995 en þar segir meðal annars: „Foreldraráð fjalla um og gefur umsögn til skólans og skólanefndar um skólanámskrá og aðrar áætlanir sem varða skólahaldið og fylgist með að áætlanir séu kynntar foreldrum svo og með framkvæmd þeirra.  Skólastjóri starfar með foreldraráði og veitir því upplýsingar um starfið í skólanum.“  Foreldraráðið fylgist einnig með áætlunum bæjarins um skólahald.

Skólanefnd grunnskóla Garðabæjar hefur á grundvelli þessarar lagagreinar sett foreldraráðum erindisbréf auk þess að foreldraráð Hofsstaðaskóla hefur sett sér starfsreglur.

Skipan foreldraráðs
Í foreldraráði Hofsstaðaskóla sitja þrír aðalfulltrúar og þrír varafulltrúar. Kosning í foreldraráð fer fram að vori á aðalfundi foreldrafélagsins. Kosið er til tveggja ára í senn og er reynt að gæta þess að allir kjörnir fulltrúar hætti ekki á sama tíma.

Foreldraráð Hofsstaðaskóla veturinn 2007-2008:

Starfsemi
Foreldraráð Hofsstaðaskóla fundar þriðja þriðjudag í mánuði og oftar ef þurfa þykir. 
Að minnsta kosti tvisvar á ári eru haldnir sameiginlegir fundir með kennararáði og foreldrafélagi.  Svæðaráð foreldrafélaga og foreldraráða í grunnskólum Garðabæjar  fundar mánaðarlega yfir veturinn. Í svæðaráðinu sitja formenn foreldrafélaganna og foreldraráðanna ásamt fulltrúa foreldra í skólanefnd og ræða um sameiginleg hagsmunamál. Svæðaráð skipar fulltrúa í skólanefnd til 2ja ára í senn, Jens G. Einarsson foreldraráði Flataskóla er fulltrúi foreldra í skólanefnd næstu tvo vetur. Fundargerðir og starfsreglur svæðaráðs er að finna á heimasíðu Garðabæjar.

Samstarf við foreldra
Foreldrar er hvattir til að kom athugsemdum og skilaboðum til nefndarmanna.  Hafa ber í huga að samkvæmt starfsreglum skal foreldraráð einbeita sér að skoða stefnu skólans og almennt skipulag fremur en atriði er snerta einstaka nemendur.